انتشرت على مواقع التواصل الاجتماعي صورة طفل ابكت الجميع، حيث تعرّض للضرب المبرح في الحضانة على يد احد الاطفال بحسب ما كشفت والدته.
وفي التفاصيل، فإنّ غيدا الدايخ، والدة الطفل نشرت صور ابنها على صفحات مواقع التواصل الاجتماعي واخبرت انه تعرّض للضرب لما يقل عن ٢٠ دقيقة بحسب تقرير الاطباء في الحضانة، من دون اي انتباه من المسؤولين والمعلمات الموجودات.
وكتبت: “لح خبركن قصتي.. قصة ام قررت تشتغل لتفتش عمستقبل ابنها … قصة أم أمنت ابنها وروحها وعمرها بالحضانة ليكونوا بيتوا التاني. بس اللي صار انه ابني كان ضحية مستضعفة للإهمال وقلة الانتباه. ابني اتعرض للضرب المبرح والقاسي جدا جدا على ايد أحد الأطفال معه بالصف اللي استفرد فيه. وحسب تقرير المستشفى ابني اتعرض للضرب لما لا يقل عن ٢٠ دقيقة والمعلمات والمسؤولين تاركينه عم يبكي ويتوجع كل هالوقت والمبررات ولا أسخف ولا اقبح. وين الاهتمام وين الانتباه وين الكاميرات وين وين وين منضل نسأل و كله بطل يفيد انا كيف بدي شيل هالذكرى البشعة من راسي و راس ابنه و راس بيو.. السؤال كيف بدي كفي حياتي المهنية و أمن ابني ويكون بالي مرتاح ؟ ما بعرف شي… الله يحميلي ياك يا عمري ولا يسامح كل حدن خلاك تعيش هالوجع وهالذكرى البشعة.. الله لطف”.
