غرد النائب هاغوب ترزيان عبر حسابه على "تويتر":
"بهل كم يوم الماضيين عم يتداول مصطلح haircut كتير، خلليني كون واضح وبوضوح تام، كل الودائع عرق جبين وجنى عمر الناس الأوادم، شو ما كان حجمها ما رح نسمح لحدا يدق فيها، هول الأوادم نعمل فيهن haircut من قبل الزعران دون وجه حق خلال عقود بما فيه الكفاية، وهلق كرمال الزعران عم يفكروا يعلموا haircut على الأوادم! ما حدا يفتح سيرة الـ haircut بقا، الموضوع الوحيد المسموح مناقشتو اولا هو كيف منرد أموال الشعب المنهوبة من قبل الزعران على الخزينة وبأسرع وقت دون تأخير، وتاني شي اوعا حدا يفكر انو الشعب رح يكون عندو ثقة بالدولة غير ما المتربصين الزعران عليها يبلشوا يتحاسبوا ويعفنوا بالسجون وبترجى الكل ما ينسى هيدا كان موقفي وما في شي بالدني بغيرو وبقول لأهلي موضوع جنى عمركن وحق أولادكم واحفادكم مقدس ما رح نسمح لحدن يجرب يذلكم اكتر ما ذلونا".
